25/01/2014 11:29:51

Ngrohja globale: asnjë përmirësim për Tokën

Sipas raportit të Nasa-s më 21 janar, temperatura mesatare e Tokës ka mbajtur pak a shumë të njëjtat prirje gjatë vitit të fundit

HermesNews- Sipas raportit të Nasa-s më 21 janar, temperatura mesatare e Tokës ka mbajtur pak a shumë të njëjtat prirje gjatë vitit të fundit edhe pse ka pasur ndryshime rajonale të konsiderueshme.
Të dhënat përfundimtare tregojnë se temperatura mesatare e planetit tonë në vitin 2013 ka qenë rreth 58.3°Fahrenheit (14.6° Celsius) duke u rradhitur në vend të shtatë ndër vitet më të ngrohta nga viti 1880, që kur nisi regjistrimi i ndryshimeve të klimës globale.

Temperaturat globale kanë nisur të rriten që nga viti 1960 për shkak të rritjes së sasisë së gazit serrë, i cili nxit ngrohjen globale. Sasia e dioksidit të karbonit në atmosferën tokësore është më e lartë se çdoherë duke arritur shifra që tejkalojnë nivelet e nevojshme.

Efekti serre : raporti mes gazit serrë dhe ngrohjes globale është në nivele drastike. Për shembull në 2013-ën Shtetet e Bashkuara dhe Australia u klasifikuan ndër vendet më të nxehta. Gjithashtu ngrirja dhe shkrirja e akullnajave janë shenja domethënëse në këtë drejtim.
Temperaturat oqeanike, nga ana tjetër, ndikojnë tek temperaturat sezonale, rajonale dhe vjetore.

Daniela Vathi

Dërgo me email | Stampo artikullin