25/01/2014 10:44:42

Tërmet 6,1 ballë në Indonezi

Nuk ka rreziqe për cunami

JAKARTA - Një tërmet me mangitudë 6,1 ballë ka goditur gjatë orëve të para të mëngjesit të sotëm brigjet e ishullit Java, një ndër më të rëndësishmit në Indonezi, njoftoi instituti gjeofizik amerikan, USGS, por autoritetet vendase kanë përjashtuar mundësinë e rreziqeve për cunami.
Tërmeti ndodhi rreth orës 05:14 GMT, 39 kilometra në jug të qytetit Adipala, në një thellësi prej 83 kilometrash. “Nuk ka rreziqe për cunami dhe nuk kemi marrë informacione lidhur me dëme apo viktima”, deklaroi një zyrtar i Agjencisë Meterologjike dhe Gjeofizike, Suharjono. Indonezia ndodhet në “brezin e zjarrit në Paqësor”, zonë ku pllakat tektonike bashkohen, fakt që shkakton aktivitet sizmik dhe vullkanit të shpeshtë. Një tërmet me magnitudë 6,1 balë goditi në korrik të vitit të kaluar provincën Aceh, në ishullin indonezian Sumatra, ku humbën jetën të paktën 35 persona dhe mijëra të tjerë mbetën të pastrehë. Na ndiqni dhe në Facebook dhe Twitter

HermesNews - ©2014

Dërgo me email | Stampo artikullin