25/01/2014 10:33:43

Barrikada në Kiev

'Po, ne kemi frikë, por nuk kemi zgjidhje tjetër, do të luftojmë', pohon Mykola Sirochtan

KIEV - E mbushur me barrikada gjithnjë e më të shumta, gjithnjë e më të larta dhe gjithnjë e më të trasha, sheshi Pavarësia në Kiev kurrë nuk i kishte ngjarë kaq shumë një fortese të padepërtueshme.

“Po, ne kemi frikë, por nuk kemi zgjidhje tjetër, do të luftojmë”, pohon Mykola Sirochtan, një manifestues 35 vjeçar, duke treguar nga njëri prej mureve të bërë me dërrasa, mburoje metalike të të gjitha llojeve, të ngjitura nga ngrica dhe nga dëbora.

Gjatë mbrëmjes mes të enjtes dhe të premtes, mbrojtjet u përforcuan me ngritjen e barrikadave të reja të larta rreth pesë metra, mbi rrugën Institutska që të nxjerr në “Maidan”, emri me të cilin qytetarët e Kievit e thërasin këtë shesh, simbol i Revolucionit Portokali të vitit 2014.

Të ndërtuara në një kohë rekord me thasë të mbushur me dëborë, ndërkohë që temperaturat janë -20 gradë, ato i shtohen një barrikade tjetër po kaq masive rreth njëqind metra më larg që ndodhet pranë presidencës. Na ndiqni dhe në Facebook dhe Twitter

HermesNews - ©2014

Dërgo me email | Stampo artikullin