24/01/2014 14:23:25

Rikthehen kamikazët në Kajro

Sjtohen sulmet kundër forcave të rendit në Egjipt

KAJRO - Të paktën pesë persona u vranë sot në tre sulme kundër policisë në Kajro, në një klimë të ashpër dhune kundër islamikëve dhe në prag të përvjetorit të tretë të revoltës që çoi në rrëzimin e Hosni Mubarakut nga pushteti. Sulmet kundër forcave të rendit janë shtuar në Egjipt që nga periudha kur ushtria rrëzoi më 3 korrik presidentin islamik Mohamed Morsi. ”Dje në mëngjes një person priti që policët të hiqnin një barrikadë që pengonte kalimin në rrugën që të çonte në selinë e Drejtorisë së Policisë, në qendër të kryeqytetit, për të vendosur me shpejtësi makinën e tij të mbushur me eksploziv kundër portës së rëndë që pengonte hyrjen në ndërtesë”, sipas dëshmisë së një oficeri të policisë të plagosur lehtë në kokë. Sipas hetuesve, nuk është e konfirmuar nëse shoferi i makinës ishte ende në timon kur ka shpërthyer bomba, që shkatërroi fasadën e ndërtesës si dhe disa zyra të Muzeut të Artit Islam. Na ndiqni dhe në Facebook dhe Twitter

HermesNews - ©2014

Dërgo me email | Stampo artikullin