24/01/2014 13:25:12

Gati paketa ligjore. Konsultime publike

Çfarë përfshijnë instrumentat që rrisin sigurinë rrugore ?

TIRANE - Qeveria shqiptare ka prezantuar sot projektin për masat ligjore dhe administrative për rritjen e sigurisë rrugore. Gjatë fjalës së tij, kryeministri Edi Rama tha se kjo paketë me 60 masa do të konsultohet më parë me publikun përpara se të nisë zbatimi.

Rrugët në Shqipëri janë kthyer në kanale kulluese të parave të taksapaguesve në funksion të korrupsionit dhe të triumfit partiak në funksion të fushatës së radhës na ka sjellë në një situatë ku rrugët janë në gjendje kritike.




















"Falënderoj ministrat Tahiri dhe Haxhinasto, të cilët në këta muaj kanë bashkëpunuar intensivisht edhe me përfaqësues të sektorit të ndryshëm që lidhen me sigurinë rrugore për të shkruar paketën e re ligjore të sigurisë rrugore. Një paketë ligjore dhe administrative që përfshin 60 masa të reja që kanë nevojë për një konsultim publik, përpara se të kthehen në një instrument të ri për të rritur nivelin e sigurisë rrugore. Qeveria jonë është shumë e vendosur për të ndërmarrë një hap të rëndë në funksion të rritjes së sigurisë në rrugë", tha Rama.

Masat që do te propozohen mbrojnë pronën shtetërore. Ky plan alokon më shumë resurse për vetë përdoruesit e rrugës dhe në drejtim të përmirësimit të procesit të marrjes së patentave, në një proces transparent dhe të zhveshur nga korrupsioni.

Paketa e sotme vendos një marrëdhënie të re me kompanitë e sigurimeve që do të jenë bashkëshoqëruese në këtë plan.

Realizon një sërë politikash të reja të kësaj qeverie në drejtim të infrastrukturës, vendos standardet e duhura ku sinjalistika do të jetë në vendin që meriton.

Ngritje të një sistemi të mirëmbajtjes së rrjetit tonë rrugor, në forcimin e shërbimit të transportit ndërqytetës me autobuzë të sigurt, në rigjallërimin e transportit hekurudhor për të alokuar edhe fondet e duhura. Na ndiqni dhe në Facebook dhe Twitter

HermesNews - ©2014

Dërgo me email | Stampo artikullin