24/01/2014 12:50:46

Reshjet dhe Kaskada e Drinit: mblidhen emergjencat

Masa në përputhje me parashikimet atmosferike për ditët në vijim

(update) të dhënat e heceve

TIRANE - Ministri i Energjisë dhe Industrisë Damian Gjiknuri, mblodhi në orët e mbrëmjes Komisioni i Planifikimit dhe Përballimit të Emergjencave Civile, për analizimin e situatës së ditëve të fundit, pas reshjeve të dendura të shiut dhe gjendja në hidrocentralet e Kaskadës së lumit Drin. Deri në orën 19:00, të datës 23 Janar 2014, kuota në HEC Fierzë është 273.21 m, kuota në HEC Koman është 173.94 m dhe kuota në HEC Vau Dejës është 75.39 m. Situata para reshjeve ka qenë në përputhje të plotë me rregulloren por edhe menaxhimi i situatës së këtyre ditëve është bërë në përputhje me këtë rregullore, duke mos patur problem në zonën e Shkodrës dhe nën Shkodrës. Ministri Gjiknuri porositi që situata të trajtohet me kujdes në vazhdimësi duke koordinuar punën midis strukturave të vet sektorit energjitik, në përputhje me rregulloren përkatëse. Ministri kërkoi që të koordinohen masat edhe në përputhje me parashikimet atmosferike për ditët në vijim dhe një bashkëpunim me pushtetin vendor për të patur një menaxhim sa më të mirë të situatës. Na ndiqni dhe në Facebook dhe Twitter

Komunikatë për shtyp

Dërgo me email | Stampo artikullin