24/01/2014 10:45:55

'Japonia dhe Kina janë të pandashme'

Abe, ftesë për dialog Kinës e Koresë së Jugut

TOKIO - Kryeministri japonez Shinzo Abe përsëriti sot ftesën për dialog drejtuar Kinës dhe Koresë së Jugut, vende me të cilat marrëdhëniet janë në pikën më të ulët që prej më tepër se një viti.

“Dera ime është e hapur. Për fat që keq nuk kemi qenë të aftë të organizojmë një samit me Kinën”, deklaroi ai përpara parlamentit japonez.

“Japonia dhe Kina janë të pandashme. Do t’i vazhdoj përpjekjet për përmirësimin e marrëdhënieve tona duke i bërë thirrje Kinës t’u kthehet parimeve të marrëdhënieve të frytshme për të dyja palët dhe të bazuara në interesa strategjike të përbashkëta”, u shpreh Abe. Nuk është hera e parë që Abe bën një ftesë të tillë. Ajo e fundit ishte më 19 janar, por ajo ishte refuzuar kategorikisht si nga Pekini dhe nga Seuli.

Të dy kryeqytetet e përjashtojnë një ide të tillë, pasi janë acaruar edhe pas vizitës së zhvilluar në fund të dhjetorit nga Shinzo Abe në mauzoleun shintoist Yasukuni në Tokio, ku nderohen 2,5 milionë të rënë për Japoninë, por edhe 14 kriminelë lufte të dënuar pas vitit 1945. Na ndiqni dhe në Facebook dhe Twitter

HermesNews - ©2014

Dërgo me email | Stampo artikullin