22/01/2014 16:36:29

Biznesi integrohet më shpejt: Veliaj, do të investojmë për trajnime

Investimet e Marsit për ndërrmarrje që kthehen në shkolla profesionale

DURRËS - Ministri i Mirëqënies Sociale dhe Rinisë, Erion Veliaj, u shpreh sot nga qyteti i Durrësit se "fondet që Qeveria ka përcaktuar për sistemin e punësimit, do t’i ofrohen bizneseve që kanë numrin më të madh të vendeve të lira të punës".

Deklarata e Veliaj u bë të mërkurën gjatë një vizite në një ndërmarrje në zonën e Shkozetit në Durrës.

Duke folur për financimet që do të lëvrohen në muajin Mars të këtij viti, Veliaj tha se synim i Qeverisë është që të investojë fuqishëm për trajnimin profesional. “Pespa nuk është vetëm një biznes “Made in Albania”, por edhe një shkollë shumë e madhe për arsimin profesional”.

Kryetari i shoqatës Biznes Albania, Luan Bregasi, tha se shndërrimi i kapitalit tregtar në kapital prodhues është një nga synimet që ka biznesi shqiptar. “Ne si shoqatë e kemi mbështetur këtë filozofi”, tha Bregasi.

Ndërmarja private e prodhimit të aluminit “Pespa”, ka punësuar në këtë biznes rreth 400 punëtorë, ndërsa më shumë se 50 përqnd e prodhimit të saj eksportohet në Francë, Itali dhe në vendet e Ballkanit. Na ndiqni dhe në Facebook dhe Twitter

HermesNews - ©2014

Dërgo me email | Stampo artikullin