22/01/2014 16:16:58

Të ulim kostot e podhimit: çmimi i karburantit ende i lartë

Mblidhet Enti kombëtar rural: mungon baza e të dhënave për fermerët, pas të cilën nuk mund të bëhet shpërndarja e karburanteve

TIRANË - Nëse kërkojmë prodhime vendase, atëherë duhet të mbështesim fermerët. Situata në zonat rurale është e vështirë, shkak çmimi e lartë i karburanteve, kostoja e lartë e produkteve të lëndës së parë dhe tregtimi i tyre.

Këto janë disa nga problemet e bëra prezent sot nga peëfaqësues të organizatave jofitimprurëse në Komisionin parlamentar të veprimtarisë prodhuese.

Lidhur me reduktimin e çmimit të karburantit Enti kombëtar rural propozoi disa shtesa në ligjin Për bujqësinë dhe zhvillimin rural dhe ndryshime në ligjin Për hidrokarburet, me qëllim që t’u krijohet mundësia fermerëve dhe subjekteve prodhuese në zonat rurale të shpenzojnë me eficencë më të lartë burimet e tyre financiare, duke përdorur dhe konsumuar vetëm karburantin e prodhuar në vend.

E reja është se kjo nuk kërkon fonde shtesë nga buxheti, por implementimi i tij, një partneritet më të fortë midis shoqërisë civile në zonat rurale dhe sektorit publik.

Komisioni kërkon detaje për vlerësimin e riskut dhe kostove që rrjedhin nga aplikimi i skemës së propozuar, llogaritjen e çmimit përfundimtar të karburantit që do t’u shpërndahet fermerëve, garancitë për aplikimin e suksesshëm të skemës në fjalë, etj.

Kryetari i komisionit, Eduard Shalsi u shpreh i shqetësuar për mungesën e një baze të dhënash për fermerët, duke nënvizuar në këtë kontekst se asnjë skemë nuk mund të rezultojë efikase sa kohë kjo bazë të dhënash do të mungojë.

Dy skema kanë dështuar për subvencionimin e naftë së fermerëve. Në vitin 2014 problemi është se ne ende nuk kemi të dhëna të sakta për fermerët, kjo dhe për mungesë eficence të drejtorive dhe strukturave për mbledhjen apo përpunimin e të dhënave që do të mundësonin formalizimin e fermerëve.

"Jam i zhgënjyer për mënyrën si është organizuar piramida e strukturave përgjegjëse për bujqësinë", tha Shalsi, ndërsa theksoi se si rezultat i mosfunksionimit të sistemit, fondi prej 8 milionë eurosh në dispozicion të Agjencisë së Zhvillimit Rural nuk ka mundur të absorbohet. Na ndiqni dhe në Facebook dhe Twitter

HermesNews - ©2014

Dërgo me email | Stampo artikullin