22/01/2014 13:45:30

Dy herë alarm fals në shkolla. Policia në kërkim të denoncuesit

Telefonata: në shkollë ka bombë

TIRANË - Një alarm fals për bombë është regjistruar sot në Policinë e Kryeqytetit. Burime Policore bën të ditur se rreth orës 10:45’ minuta në sallën operative të policisë Tiranë ka mbërritur një telefonatë e cila njoftonte se ishte vendosur një bombë në shkollën e mesme Qemal Stafa. Forca të shumta policie dhe grupi xhenier kanë shkuar menjëherë në vendngjarje dhe kanë nisur verifikimet.

Kërkimet janë shtrirë në të dyja katet e godinës si dhe në ambientet e jashtme të saj. Nga kërkimet e deritanishme dyshohet se bëhet fjalë për një alarm fals. Ndërsa mësohet se Policia po punon për zbardhjen e identitetit të denoncuesit dhe procedimin penal ndaj tij. Ngjarje e ngjashëm ka ndodhur edhe rreth në javë më parë, kur një alarm fals për bombë u dha në shkollën Ekonomike Profesionale. Pas verifikimeve dhe kontrollit të hollësishëm policia zbuloi se nuk ishte vendosur lëndë eksplozive. Autori i alarmit ishte një nga nxënësit e shkollës, i cili po ndiqet penalisht. Na ndiqni dhe në Facebook dhe Twitter

HermesNews - ©2014

Dërgo me email | Stampo artikullin