21/01/2014 12:28:42

Pezullohen udhëtimet me tragete në Vlorë

Moti i keq ndërpret punën në portin e Vlorës

VLORË - Moti i keq, shoqëruar me erë të fortë, ka shkaktuar bllokimin e punës në portin e Vlorës. Shefi i Kapitenerisë së Portit të Vlorës, Anastas Goga, tha se, forca e dallgëve ka arritur deri në 6-7 ballë, çka ka bërë që të pezullohet puna për përpunimin e mjeteve lundruese, disa prej të cilave kanë dalë në radë. Për shkak të motit të keq, trageti i linjës detare Vlorë-Brindisi nuk është nisur prej dy ditësh drejt portit të vendit fqinj. “Jemi në pritje dhe po vlerësojmë ecurinë e kushteve meteorologjike dhe atyre detare për të vendosur në vazhdimësi”, u shpreh Goga. Ai tha se, nëse do të ketë përmirësim të kushteve të motit dhe atyre detare, nuk përjashtohet mundësia që trageti të lundrojë në itinerarin e tij Vlorë-Brindisi, por kjo do të vendoset në orët në vazhdim. Na ndiqni dhe në Facebook dhe Twitter

HermesNews - ©2014

Dërgo me email | Stampo artikullin