21/01/2014 12:08:54

Situata ende nën kontroll. Çfarë masash nëse përkeqësohet ?

Askush nuk do të përsëritet skenari i përmbytjeve në Shkodër. Banorët zgjohen me frikën e ujit

KUKËS - Rreshjet e shiut, era dhe temperaturat e ulëta nuk kanë reshtur gjatë 24 orëve të fundit në veri, dhe parashikimi i motit thotë shi për dhjetë ditë me radhë.Deri tani nuk ka patur probleme të dukshme. Akset rrugore janë të kalueshme dhe nuk ka patur rrëshqitje e dherave në trasenë e rrugës.

"Gjithsesi, janë marrë masat për të përtballuar ndonjë problem që mund të lindë në orët e ardhshme, pasi reshjet po vazhdojnë pa ndërprerje", tha koordinatori i inspektoriatit rajonal të rrugëve, Arben Basha, pa dhënë detaje rreth masave që do të merren nëse situata përkeqësohet (foto ).

Në zonat mbi 1500 metrave mbi nivelin e detit kanë nisur reshjet e dëborës, si Shishtavec, Arrn, Kalis, Gryke Caja në rrethin e Kukësit dhe të Margegajt e të Lekbibajt në rrethin e Tropojës. "Nuk ka asnjë shqetësim, pasi dëbora e rënë gjatë orëve të mëngjesit ka përfshirë vetëm rajonet e thella, por pa prekur ndjeshëm zonat e banuara, ku trashësia e dëborës nuk është më shumë se 10 centimetra", tha përgjegjësi i zyrës së emergjencës civile në prefekturën e Kukësit, Azem Tema. Na ndiqni dhe në Facebook dhe Twitter

HermesNews - ©2014

Dërgo me email | Stampo artikullin