21/01/2014 11:44:05

Vjen përgjigja pozitive e BE-së ndaj Iranit

Ministrat e Jashtëm të BE-së të mbledhur në Bruksel hapën dritën jeshile

BRUKSEL - Bashkimi Europian pezulloi, duke filluar nga sot dhe për dhjetë muaj, një seri sanksionesh ekonomike kundër Iranit në përgjigje të ngrirjes nga Teherani të një pjese të veprimtarive të tij bërthamore, në bazë të një marrëveshjeje të arritur me fuqitë e mëdha. "Këshilli pezulloi disa sanksione të BE-së kundër Iranit, me hyrjen në fuqi të planit të veprimit për të cilin është rënë dakord me Iraninn, bëri të ditur në rrjetin social Twitter, ky organ që përfaqëson qeveritë e BE-së. Ministrat e Jashtëm të BE-së të mbledhur në Bruksel hapën dritën jeshile. Ky miratim pritej pas konfirmimit në mëngjes nga Agjencia ndërkombëtare e Energjisë bërthamore (IAEA) se Irani kishte filluar pezullimin e një pjese të veprimtarive të tij bërthamore. Na ndiqni dhe në Facebook dhe Twitter
“

HermesNews - ©2014

Dërgo me email | Stampo artikullin