21/01/2014 10:40:36

Durrës: moti ndalon punën në port

Vonesa me tragete, erë dhe det i trazuar. Situata nuk ndryshon dhe gjatë 24 orëve të ardhshme

DURRËS - Shiu dhe era e fortë kanë vënë seriozisht në vështirësi punën në orët e fundit në Durrës. Në port, veprimtaria përpunuese e anijeve tregtare është ndalur. Motopeshkatoret dhe anijet e tonazhit të mesëm nuk do të lundrojnë sot nga porti më i madh i vendit dhe jashtë gjiut detar deti është i trazuar me forcë në 6 ballë.

Tragetet janë nisur natën e kaluar me vonesa të vogla, ndërsa kanë mbërritur dy të tjerë që lundruan nga Bari (Itali) në Durrës. Kushtet e motit nuk do të ndryshojnë gjatë 24 orëve të ardhshme dhe mund të ketë vonesa të tjera në port.

Gjiu detar i Durrësit është përfshirë që nga dita e hënë nga moti i keq, me reshje dhe erë të fortë, që fryn kryesisht nga veripërndimi. Gjatë ditës së djeshme në zonën bregdetare të Durrësit u regjistruan një seri lëkundjesh sizmike, 3 nga të cilat shkaktuan panik te qytetarët. Na ndiqni dhe në Facebook dhe Twitter

HermesNews - ©2014

Dërgo me email | Stampo artikullin