21/01/2014 09:23:58

Ban ki Moon tërheq ftesën për Iranin

Opozita siriane kishte kërcënuar se do të bojkotonte konferencën nëse Irani, aleati i Bashar al-Assad, do të merrte pjesë

NEW YORK - Kanë mbetur më pak se dy ditë para hapjes së konferencës së paqes për Sirinë në Zvicër, ndërkohë që Sekretari i Përgjithshëm i OKB-së, Ban Ki-moon, ka përjashtuar Iranin pasi e kishte ftuar, një kthesë kjo spektakolare që shpëton përkohësisht konferencën Gjeneva2. Opozita siriane kishte kërcënuar se do të bojkotonte konferencën nëse Irani, aleati i Bashar al-Assad, do të merrte pjesë. Por pas përjashtimit të të këtij të fundit, koalicioni opozitar konfirmoi menjëherë pjesëmarrjen e tij në Gjeneva-2, që ka si objektiv krijimin e një qeverie tranzicioni në Siri. Gjeneva-2 do të hapet nesër mes ministrave të vendeve pjesëmarrëse në Montreo, e drejtuar nga Ban Ki-moon, në këtë konferencë marrin pjesë rreth 40 vende mes të cilave fuqitë e mëdha dhe vendet e tjera të rajonit si Aarabia Saudite. Na ndiqni dhe në Facebook dhe Twitter

HermesNews - ©2014

Dërgo me email | Stampo artikullin