21/01/2014 09:19:31

Ukraina kërcënohet nga trazirat

'Apeli për qetësi, i lëshuar nga liderë të opozitës ukrainase si Vitali Kliçko, tregon se situata mund të dalë jashtë kontrolli', deklaroi Lavrov

(10:20) Apeli për ruajtjen e qetësisë, i bërë nga liderë të opozitës ukrainase, tregon se situata në Ukrainë mund të dalë jashtë kontrolli, deklaroi sot ministri i Jashtëm rus, Sergei Lavrov. "Vlerësoj se apeli për qetësi, i lëshuar nga liderë të opozitës ukrainase si Vitali Kliçko, tregon se situata mund të dalë jashtë kontrolli", deklaroi Lavrov, i pyetur të komentonte dhunën mes manifestuesve dhe policisë në Kiev, që po vazhdon që nga dita e shtunë.


KIEV - Manifestimet në Kiev që po shndërrohen në trazira masive janë një kërcënim për të gjithë Ukrainën (foto), u shpreh sot presidenti ukrainas, Viktor Ianukoviç duke iu drejtuar popullit dhe duke i bërë thirrje opozitës për dialog. "E kuptoj pjesëmarrjen tuaj në protesta masive, por kur veprimet paqësore kthehen në trazira masive dhe shoqërohen me akte të dhunshme dhe zjarre kriminale, kjo kërcënon jo vetëm qytetarët e Kievit, por të gjithë Ukrainën", deklaroi ai, mësohet nga dokumenti i publikuar në faqen e internetit të presidencës. "Bëj thirrje për dialog, kompromis dhe qetësi”"shtoi ai. Na ndiqni dhe në Facebook dhe Twitter

HermesNews - ©2014

Dërgo me email | Stampo artikullin