20/01/2014 16:49:49

BE/ Reagojnë ministrat për Ukrainën

Mundësia e sanksioneve nuk është në programin e mbledhjes së ministrave të Jashtëm këtë të hënë, por kjo nuk do të thotë se nuk do të jetë në të ardhmen, nëse situata nuk do të ndryshojë

BRUKSEL - Ministrat e Jashtëm europianë, të mbledhur sot në Bruksel, shprehën keqardhjen për dhunën kundër manifestuesve proeuropianë në Kiev dhe dënuan ligjet shtypëse të vëna në zbatim nga autoritetet ukrainase. "Përdorimi i dhunës kundër manifestuesvew do të ketë pasoja dhe nuk mund të përjashtojmë sanksione ndaj Ukrainës”, paralajmëroi shefi i diplomacisë lituaneze, Linas Linkevicius. “Mundësia e sanksioneve nuk është në programin e mbledhjes së ministrave të Jashtëm këtë të hënë, por kjo nuk do të thotë se nuk do të jetë në të ardhmen, nëse situata nuk do të ndryshojë”, shtoi. “Është e rëndësishme që ne të reagojmë”, deklaroi ministri i Jashtëm suedez, Carl Bildt. “Shpreh keqardhjen e thellë për dhunën e djeshme”, u shpreh ministri britanik William Hague. “Mendoj se është bërë një gabim me futjen e masës së kufizimit të lirisë së manifestimit”, shtoi ai.
Këto përleshje të dhunshme shkaktuan dhjetëra të plagosur, gjatë manifestimit të djeshëm në qendër të Kievit ku morën pjesë rreth 200 000 opozitarë proevropianë. Na ndiqni dhe në Facebook dhe Twitter

HermesNews - ©2014

Dërgo me email | Stampo artikullin