20/01/2014 10:17:13

Gjeneva-2: OKB fton Iranin në bisedime

Ban Ki-moon, 'Irani duhet të marrë pjesë në bisedimet për paqe për dhënien fund të konfliktit sirian'

NEW YORK - Sekretari i përgjithshëm i OKB-së, Ban Ki-moon ftoi Iranin për të marrë pjesë në konferencën e paqes Gjeneva-2, që do të zhvillohet pasnesër në Montreaux, Zvicër. "Siç kam thënë edhe në të kaluarën, besoj fuqimisht se Irani duhet të marrë pjesë në bisedimet për paqe për dhënien fund të konfliktit sirian", deklaroi Ban në një konferencë shtypi në Pallatin e Qelqtë. Ai shtoi se kishte biseduar disa herë në telefon me ministrin e Jashtëm iranian, Mohammad Javad Zarif, i cili e kishte siguruar se ”Irani ishte i interesuar të luante një rol pozitiv dhe konstruktiv në Gjeneva-2. Na ndiqni dhe në Facebook dhe Twitter

HermesNews - ©2014

Dërgo me email | Stampo artikullin