18/01/2014 17:31:51

Pogradec: shkelje në ndihmat ekonomike

Akuza penale për kryetarin e këshillit tnë komunnës Buçimas

POGRADEC - Shërbimi social shtetëror ka bërë kallëzim në Prokurorinë e rrethit, kryetarin e këshillit të komunës Buçimas bashkë me dy ish administratorët e ndihmës ekonomike dhe personave me aftësi të kufizuar. Ata akuzohen për "shpërdorim detyre". 956 familje të Komunës Buçimas kanë përfituar ndihmë ekonomike, në kundërshtim me kriteret ligjore, duke i shkaktuar shtetit një dëm ekonomik prej 13. 253. 127 lekë. 482 familje të Komunës Buçimas janë trajtuar me ndihmë ekonomike vetëm me vendim të Këshillit të Komunës, pa patur një propozim nga ana e zyrës së ndihmës ekonomike dhe pa marrë më parë konfirmim nga institucionet e përcaktuara nga ligji. Tetë familje që kanë në përbërje të tyre anëtarë që marrin pension pleqërie dhe njëkohësisht përfitonin ndihmë ekonomike dhe në disa raste të tjera janë vërejtuar edhe mungesa në dokumentacion. Na ndiqni dhe në Facebook dhe Twitter

HermesNews - ©2014

Dërgo me email | Stampo artikullin