17/01/2014 14:28:22

Në fillim formalitet, pastaj lehtësira

Ulja e TVSH-së është angazhim jo vetëm për industrinë e turizmit, por edhe për mallrat e shportës

TIRANE - "Brenda pranverës do dalim me një paketë të posaçme që do të lehtësojë ata që janë sot në këtë aktivitet (fasonësh) dhe nga ana tjetër do të stimulojë thithjen e investimeve të huaja, qoftë nga ju, qoftë nga investimet që vijnë nga jashtë", deklaroi Rama sot në një takim me imprenditorë shqiptarë.

Ai informoi se me qeverinë italiane, përmes ambasadës, por edhe në lidhje të drejtpërdrejtë me Konfindustria dhe Dhomën Italiane të Tregtisë, "kemi nisur një proçes intensiv komunikimi për të ftuar dhe krijuar mundësitë që investime të tjera të vijnë, duke filluar nga investimet në fushën fason".

"Brenda pranverës do të kemi këtë pakete në bashkëpunim me ju nën drejtimin e ministrit të Zhvillimit Ekonomik dhe Këshillin Ekonomik Kombëtar", tha Rama. Rama po ashtu informoi se brenda mandatit të parë të qeverisjes do të bëhet e mundur edhe ulja e TVSH-së për sektorin e Turizmit.























"Ka një vendosmëri për t’a mbrojtur këtë pasuri të madhe qe ne se kemi krijuar dhe duhet të ndjehemi fajtor që e kemi dëmtuar në këto vite atë pasuri", tha më tej Rama.

Ulja e TVSH-së është angazhim jo vetëm për industrinë e turizmit, por edhe për mallrat e shportës.

"Mospërjashtimi në këtë moment u vendos për faktin se në radhë të parë duam të vendosim themelet e formalizimit në këtë sektor. Na rezulton që në një hotel punon mesatarisht një person e gjysëm. Synojmë të vëmë në jetë formalizimin e punonjësve të hotelerisë dhe më pas do të dalim me një paketë stimuluese për këtë sektor", deklaroi Rama. Na ndiqni dhe në Facebook dhe Twitter

HermesNews - ©2014

Dërgo me email | Stampo artikullin