17/01/2014 13:37:24

Ndryshim i figurës së sipërmarrësit

Rama të rinjve: mos kërkoni vetëm rehatinë dhe shtetin !

TIRANË - Ka ardhur koha për një ndryshim të figurës së sipërmarësit, tha kryeministri Rama gjatë një takimi që pati me biznesin shqiptar. "Sipërmarrësi është gjeneratori i zhvillimit dhe qeveria do bëjë maksimumin që figura e tij të zërë vendin që meriton", tha ai.

Figura e sipërmarrësit në këto 20 vite ka patur shumë hije dhe shpesh herë është parë si "mishërim i korrupsionit apo krimit", akryeministri i shqiptarëve. Shoqëria njeh emra, artistësh, gazetarësh, pronarë mediash, por shumë pak sipërmarrësish "njerëzit që krijojnë vende pune dhe bëjnë sukses", tha Rama.

Kryeministri i bëri apel të rinjve që të tërhiqen në karrierën e tyre nga figurat e suksesshme të sipërmarrjes dhe jo vetëm nga figurat e sportistëve, artistëve apo politikanëve.

"Është koha për t’i thënë të rinjve që të mos mendojnë për të pasur një punë të rehatshme në shtet, por të shikoni idetë tuaja, se përmes pasurisë suaj do të bëni të pasur dhe të tjerët", theksoi Rama. Na ndiqni dhe në Facebook dhe Twitter

HermesNews - ©2014

Dërgo me email | Stampo artikullin