16/01/2014 13:03:29

Shkarkohen oficerët që kopjuan

Oficerët që kopjuan në provim shkarkohen nga forcat udhtarake

WASHINGTON - Forcat ushtarake ajrore amerikane kanë shkarkuar 34 oficerë që ishin të ngarkuar me detyrën që të lëshonin predha bërthamore me rreze të gjatë veprimi në rast lufte, sepse kishin kopjuar gjatë një provimi rutinë, ka bërë me dije “US Air Force”, e goditur nga një tjetër skandal.

Këta 34 oficerë që ndodheshin në bazën ushtarake të Malmstrom në Montana janë akuzuar se kanë shkëmbyer përgjigjet e pyejteve me njëri-tjetrin gjatë një provimi.

Bëhet fjalë për rreth 20 për qind të oficerëve që janë të ngarkuar me menaxhimin e 150 predhave bërthamore dhe mundësinë e lëshimit të tyre, ka konfirmuar sekretarja e “Air Force Deborah”, Lee James, gjatë një konference për shtyp.

“Një numër i caktuar oficerësh ka kopjuar, ndërsa të tjerët ishin në dijeni dhe nuk bënë asgjë për ta ndaluar këtë gjë dhe kjo sjellje është krejtësisht e papranueshme,” ka shpjeguar ajo. Kjo çështje u zbulua gjatë disa hetimeve që po kryhen kundrejt disa oficerëve të dyshuar se posedojnë drogë. Na ndiqni dhe në Facebook dhe Twitter

HermesNews - ©2014

Dërgo me email | Stampo artikullin