Video

16/01/2014 10:46:42

Analiza e stuatës së rendit dhe krimit në veri

Mblidhen blutë e shkodrës. Krimi për pronësinë dhe krimet kundër individit në plan të parë. Rritet besimi i komunitetit tek uniformat

SHKODER - Marëdhëniet me komunitetin kanë qenë pikë e rëndësishme e analizës një vjecare të punës e policisë së Shkodrës. Qytetarët denoncojnë më tepë, çfarë rrit besimin tek efektivat e policisë, do të thotë më pakvetëgjyqësi.

Krimet kundër personit dhe vrasjet me motiv gjakmarrjen kanë qenë të dytat në listën e krimeve me të cilat u përballën efektivat e policisë gjatë kësaj periudhës një vjeçare.

Nga të dhënat statistikore rezulton se numri i veprave penale të evidentuara krahasuar me vitin 2012, ka patur nje rritje me 161 vepra penale, ndërsa forca zbuluese ka patur rritje në masen 7 %.

Duke analizuar tendencat e kriminalitetit konstatohet, sipas bluve se ka patur një rënie të figurës së krimit të vrasjes me 8 vrasje më pak. (Gjatë këtij viti janë evidentuar 11 vrasje ndërsa gjatë vitit të kaluar janë evidentuar 19 vrasje).

Rritje të rasteve të goditjes së figurave të krimit financiar. Gjatë këtij këtij viti janë evidentuar 27 vepra penale më shumë, por sidomos në tremujorin e katërt ku krahasuar me tremujorin e tretë të këtij viti ka patur rritje rreth katër herë më shumë (nga 22 në 85 vepra penale).

Dyfishim të rasteve të goditjes së figurave të krimit të organizuar në fushën e narkotikëve dhe trafiqeve. (Këtë vit janë evidencuar 96 vepra penale, ndërsa në vitin 2012 janë evidencuar 46).

Në sektorin e rendit dhe sigurisë publike - > 739 plane masash, ndër to 203 aktivitete kulturore sportive, 354 tubime dhe manifestime të subjekteve politike, 163 aktivitete fetare, dhe 31 veprimtari shteterore.

- > 2425 konflikte, nga të cilat pjesa më e madhe për motive të dobëta (1862 konflikte, zgjdhur 1787), pastaj konflikete për motiv pronësinë (563 konflikte, zgjidhur 502).

- > flagrancë nga shërbimet e Patrullave te Pergjithshme 146 persona të ndryshëm.

- > 4935 masa administrative për kundravajtje te ndryshme.

- > 60 aktivitete të Policimit në Komunitet, si takime me nxënes në shkolla të mesme dhe 9 vjeçare, programi i granteve të vogla mbështetur nga MB e Suedisë, takime në Drejtorinë Rajonale Arsimore dhe aktivitete të ndryshme me OJQ.

Na ndiqni dhe në Facebook dhe Twitter