15/01/2014 20:38:04

Kurrë mos thuaj kurrë !

First Lady mund të bëjë ndërhyrje estetike në të ardhmen

NEW YORK - Zonja e Parë amerikane, Michelle Obama thyen tabunë e ndërhyrjeve estetike. Në një intervistë me revistën ”People”, që do të dalë të premten, me rastin e 50-vjetorit të saj, bashkëshortja e presidentit nuk përjashton ndërhyrjet me injeksione botoksi në të ardhmen. ”Gratë duhet të jenë të lira për të bërë atë që u duket e nevojshme për t’u ndjerë mirë”, konfirmon Michelle Obama.

”Për momentin nuk imagjinoj ta bëj një gjë të tillë, por kam mësuar edhe shprehjen ‘kurrë mos thuaj kurrë”’, shton ajo. Mesazhi kryesor i Zonjës së Parë amerikane është rëndësia që duhet t’i kushtojmë shëndetit. Michelle tregon se nuk ka anashkaluar kurrë vizitat te mjeku, që nga mamografia deri te kolonskopia. Na ndiqni dhe në Facebook dhe Twitter

HermesNews - ©2014

Dërgo me email | Stampo artikullin