15/01/2014 18:53:21

Të mbrojmë të drejtat e fëmijëve

Marsisa Çela: 'Ngritja e një modeli monitorimi dhe miratimi i tij nga Këshilli i QSH me Vendim Nr. 26 dt 27.11.2013, i vjen në ndihmë përmirësimit të politikave të fëmijëve'

SHKODER - Në ambjentet e Institucionit të Këshillit të Qarkut, Shkodër, u zhvillua sot mbledhja e komitetit drejtues "Për bashkërendimin e punës ndërmjet autoriteteve shtetërore përgjegjëse, në nivel vendor, për referimin e rasteve të fëmijëve në rrezik", krijuar me vendim të Këshillit të Ministrave nr. 265, datë 12.04.2012, në mbështetje të nenit 100 të Kushtetutës së Republikës së Shqipërisë dhe nenit 35/3 të ligjit nr. 10347, datë 04.11.2010 "Për Mbrojtjen e të drejtave të Fëmijëve".

Si pjesë të këtij aktiviteti Qendra "Fëmijët Sot" realizoi takimin e katërt publik të projektit "Zhvillimi i Strategjive Lokale per Shërbimet sociale në rajonin e Shkodrës dhe Ulqinit", i cili po zbatohet prej më shumë se një vit në Qarkun e Shkodrës një me mbështetjen financiare të Bashkimit Europian në kuadër Programit të Bashkëpunimit Ndërkufitar me Shqipëri - Mal I Zi 2007 - 2013, IPA, Komponenti II.

Në këtë takim QFS prezantoi raportin e monitorimit 2011-2012 të Strategjisë Rajonale dhe Planit të Veprimit për fëmijët 2011-2013 të realizuar për vlerësimin e impaktit të politikave si një ndër aktivitetet kyçe të projektit. në bashkëpunim të ngushtë me Këshillin e Qarkut Shkodër.

Menaxherja e projektit Marsida Cela, falenderoi përfaqësuesit e Qarkut për mbështetjen e ngushtë gjatë realizimit të tij. Ajo tha se ngritja e një modeli monitorimi dhe miratimi i tij nga Këshilli i QSH me Vendim Nr. 26 dt 27.11.2013, i vjen në ndihmë përmirësimit të politikave të fëmijëve në funksion të zbatimit të dokumentit strategjik.

Në raportin e monitorimit ndër të tjera rekomandohet bashkërendimi i koordinimit të punës ndërmjet institucioneve përgjegjëse për zbatimin e strategisë rajonale të fëmijëve në Qarkun Shkodër.

Kryetari i Këshillit të Qarkut vlerësoi dhe mbështeti prezantimin e këtij dokumenti tek anëtarët e Komitetit Drejtues duke theksuar se plotësimi i kuadrit të politikave për fëmijët rrit përgjegjshmërinë e angazhimit institucional. //HermesNews - ©2014// Na ndiqni dhe në Facebook dhe Twitter

publiredaksional

Dërgo me email | Stampo artikullin