15/01/2014 17:14:04

Arrestohet spiuni irano-amerikan

Mozaffar Khazaee, 59 vjeçar, u arrestua më 9 janar në aeroportin e Newarkut, ndërsa po përgatitej të fluturonte drejt Teheranit, nga Frankfurti,

WASHINGTON - Një irano-amerikan u arrestua në SHBA në kohën kur tentoi të fusë dokumente ushtarake në Iran, mjaft delikate për programin e avionëve gjuajtës F-35, më i shtrenjti në historinë e Pentagonit. Lajmi u dha nga një gjykatë amerikane.

Mozaffar Khazaee, 59 vjeçar, u arrestua më 9 janar në aeroportin e Newarkut, ndërsa po përgatitej të fluturonte drejt Teheranit, nga Frankfurti, sipas deklaratës së prokurorit federal në Konektikat, Stephen Reynolds. Kjo çështje daton që në nëntor, kur një ngarkesë e deklaruar si “mallra shtëpiake”, e dërguar me kamion nga Khazaee nga Konektikat ku ai banon, u zbulua në Long Beach. Këto dy ngarkesa të rënda duhej të transportoheshin me anije dhe kishin si destinacion Hamadanin, në Iran.

Doganierët zbuluan se ato përmbanin në fakt “kuti të shumta me dokumente të mbushura me manuale teknike”, diagrama dhe skicat e motorëve të avionëve gjuajtës të së ardhmes, të vjedhura nga ushtria amerikane. Na ndiqni dhe në Facebook dhe Twitter

HermesNews - ©2014

Dërgo me email | Stampo artikullin