14/01/2014 17:46:14

Të rrëfehesh në autobuz

Minibusi-konfesional, i lyer me ngjyrë të kuqe bordo, me një sinjal si automjetet e shpëtimit, është i disponueshëm të lëvizë edhe në dioqeza të tjera dhe sipas kërkesave

VARSHAVË - Është në funksion që prej dy ditësh e para dhomëz konfesionale e lëvizshme në Poloni, e modifikuar dhe e vendosur në brendësi të një minibusi, për të mundësuar afrimin drejt besimit të të gjithë atyre të cilët nuk duan të hyjnë në kisha, njoftoi sot rrjeti televiziv ”Tvn 24”. Kjo iniciativë, e vënë në zbatim veri të vendit me miratimin e peshkopit Edward Dajczak të dioqezës katolike të Koszalinit, u bën eko thirrjeve të Papa Françeskut i cili u ka kërkuar priftërinjve të dalin nga famullitë dhe të bisedojnë me besimtarët edhe jashtë ndërtesave të kishave. “Besoj se fjalët e Papës na përcjellin një forcë të madhe dhe vetë ai na fton të përhapin thëniet e Ungjillit edhe në rrugë dhe kudo ku ndodhen besimtarët”, deklaroi At Rafal Jarosiewicz, i cili kryeson iniciativën së bashku me Fondacionin Sms z Nieba (mesazh-sms nga qielli). Minibusi-konfesional, i lyer me ngjyrë të kuqe bordo, me një sinjal si automjetet e shpëtimit, është i disponueshëm të lëvizë edhe në dioqeza të tjera dhe sipas kërkesave mund të mbështesë edhe famulli të tjera, të angazhuara në veprimtari të tjera ungjillore. Na ndiqni dhe në Facebook dhe Twitter

HermesNews - ©2014

Dërgo me email | Stampo artikullin