14/01/2014 17:15:13

Shkelje në ndihma sociale

Drejtorja Marjana Jorgji, tha se mjaft persona nuk plotësonin kriteret për përfititmin e ndihmës ekonomike dhe pagesën e paaftësisë

KORÇË - Rreth 1450 persona në qarkun e Korçës do të hiqen nga skema e ndihmës ekonomike dhe pagesa e paaftësisë, pasi janë verejtur mungesa në dokumentacion dhe shkelje të kritereve të përcaktuara ligjore. Njësitë administrative ku janë verejtur këto shkelje kanë qënë subjekt i kontrolleve të ushtruara nga Drejtoria Rajonale e Kujdesit Social në periudhën nëntor-dhjetor. Drejtorja Marjana Jorgji, tha se mjaft persona nuk plotësonin kriteret për përfititmin e ndihmës ekonomike dhe pagesën e paaftësisë. Sipas saj, në këtë rast dëmi i shkaktuar ndaj shtetit është rreth 23 milion lekë. Ndërkohë, në ndjekje penale ndodhet përgjegjësja e sektorit të ndihmës ekonomike dhe personave me aftësi të kufizuar në Bashkinë e Leskovikut, e cila akuzohet për shpërdorim detyre, duke i shkaktuar shtetit nje dëm prej rreth 3.7 milion lekë. Na ndiqni dhe në Facebook dhe Twitter

HermesNews - © 2014

Dërgo me email | Stampo artikullin