11/01/2014 12:11:45

Paditet përgjegjësja për ndihmën ndaj invalidëve në Korçë

Maksi abuzim me skemën e ndihmës ekonomike dhe për invalidët

TIRANË - Shërbimi social shtetëror i ministrisë së mirëqënies sociale dhe rinisë paditi në Prokurorinë e Korçës përgjegjësen e seksionit të ndihmës ekonomike dhe të personave me aftësi të kufizuar, Bashkia Leskovik, për shpërdorim detyre.

Nga kontrolli i ushtruar nga auditi i Shërbimit Social Shtetëror ka rezultuar se 35 % e skemës së ndihmës ekonomike dhe 73 % e skemës së aftësisë së kufizuar është abuzive.

43 familje që trajtohen me ndihmë ekonomike në Bashkinë e Leskovikut e kanë përfituar atë në shkelje me kriteret e përcaktuara ligjore, ndërsa janë vërejtur 62 raste të invalidëve të punës me mungesë dokumentacioni.

Gjatë kontrollit të dosjeve të personave me aftësi të kufizuara rezultoi se nga 38 persona që trajtohen me pagesë paaftësie në Bashkinë e Leskovikut, 24 prej tyre e kanë përfituar atë në shkelje të kritereve ligjore.

Sipas vlerësimit paraprak, për periudhën e kontrolluar, këto shkelje ligjore i kanë shkaktuar buxhetit të shtetit gjithsej një dëm prej 3.732.381 lekë. Na ndiqni dhe në Facebook dhe Twitter

HermesNews - ©2014

Dërgo me email | Stampo artikullin