10/01/2014 15:05:00

Letra e Obama-s që Rama e mbajti të fshehur

Kryeministri deklaron se ka marrë një letër nga Presidenti Amerikan Barack Obama. Pse nuk e publikoi ?

TIRANË - Kryeministri Edi Rama pohoi mbrëmjen e të enjtes gjatë një interviste se ka marrë një letër nga Presidenti Barak Obama. "Nuk e kam parë të arsyeshme ta publikoj në ato momente kur letra do të lexohej si një përpjekje për t'i dhënë publikut një mesazh që nuk ishte mesazhi që publiku dëshiron". I pyetur se ku konsiston letra, Rama tha se "letra është shumë normale, nuk ka asnjë problem por nuk doja që në ato tollovi antiamerikanizmi që u shfaq me forcën brutale të një opozite tërësisht të cakërdisur të përfshihej edhe letra e Presidentit të SHBA-ve". I pyetur nëse ka lënë hije përgjigja jo për armët kimike në marrëdhëniet me SHBA-të , Kryeministri Rama deklaroi se "marrëdhëniet e SHBA-ve me Shqipërinë janë të shkëlqyera, janë reciprociteti dhe janë të atilla që edhe ky rast tregon se kanë një natyre preferenciale". Na ndiqni dhe në Facebook dhe Twitter

HermesNews - ©2014

Dërgo me email | Stampo artikullin