09/01/2014 18:57:43

Franca fut kanabisin në farmaci

Ky miratim është një etapë paraprake për komercializimin e produktit, fakt që do të realizohet me iniciativë të laboratoreve prodhuese

PARIS - Franca ka hedhur sot hapin e parë drejt përdorimit mjekësor të kanabisit, me dhënien e një miratimi për një spraj të lëngët me bazë ekstraktesh të kërpit të bimës narkotike, që do të ketë si destinacion përdorimin me recetë për të pacientët e diagnostikuar me sklerozë multiple, sëmundje neurologjike autoimune kronike që prek sistemin nervor qendror, (shën. i përkth.) ”Medikamenti, i quajtur ”Sativex”, ka marrë miratimin për hedhjen në tregjet franceze”, njoftoi sot Ministria e Shëndetësisë në Paris. ”Ky miratim është një etapë paraprake për komercializimin e produktit, fakt që do të realizohet me iniciativë të laboratoreve prodhuese”, theksonte ministria, ndërsa spraj i përdorimit oral i prodhuar nga laboratoret britanike ”GW Pharmaceuticals” pritet të hidhet në tregjet franceze nga laboratori ‘Almirall’. Shumë vende evropiane, ndër të cilat Gjermania dhe Mbretëria e Bashkuar, tashmë e kanë miratuar këtë produkt. Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin