08/01/2014 20:45:41

Teleskopi hapësinor europian arrin në orbitën e vet

Sateliti do të përcaktojë pozicionin dhe lëvizjen që kryejnë yjet

PARIS - "Gaia", misioni i të cilës është që të krijojë një hartë 3D të Rrugës së Qumështit, arriti sot orbitën e vet operacionale: 1,5 milionë km larg Tokës. Lajmi u dha nga Agjencia Hapësinore Europiane (ESA). "Të arrihet orbita e përcaktuar është një veprim shumë kompleks, pasi propulsorët e Gaias duhet ta drejtojnë satelitin në drejtimin e duhur por njëkohësisht duhet të ruhen aparaturat shumë të sofistikuara dhe lehtësisht të dëmtueshme nga rrezatimi i Diellit", shpjegon David Milligan, drejtor i këtij operacioni.


























Pasi instrumentet të jenë testuar dhe kalibruar, veprime këto që do të zgjasin rreth katër muaj, teleskopi do të mund të fillojë misionin që do të zgjasë pesë vjetë. Sateliti do të përcaktojë pozicionin dhe lëvizjen që kryejnë yjet, por gjithashtu edhe distancën që kanë me Tokën, parametri më i vështirë për tu arritur. Për 99 për qind të yjeve që njihen distanca nuk është llogaritur dot. Na ndiqni dhe në Facebook dhe Twitter

HermesNews - ©2014

Dërgo me email | Stampo artikullin