08/01/2014 19:03:04

KE kërkon trasnparencë në hetim

Komisioneri Europian për Zgjerim, Stefan Fule, kishte shprehur gjithashtu shqetësimet e tij më 27 dhjetor kur qeveria islamiko-konservatore turke u akuzua për korrupsion, duke gjykuar se ndryshimet e kryera në policinë gjyjqësore kanë prekur pavarësinë dhe paanësinë e hetimeve

BRUKSEL - Kriza në Turqi ka sjellë shqetësime në Komisionin Europian. Ai kërkon hetim transparent dhe të paanshëm mbi akuzat për korrupsion që prekin qeverinë e kryeministrit, Recep Tayip Erdogan.

"Ne i kërkojmë Turqisë të marrë masa për zgjidhjen e kësaj afere, madje si vend kandidat për hyrjen në BE, është e angazhuar të respektojë kriteret e aderimit, pra respektimin e Shtetit të së Drejtës" tha zëdhënësi, Olivier Bailly.

Spastrimet në radhët e policisë dhe të drejtësisë me shkarkimin nga detyra të 350 policëve në Ankara mund të dobësojnë aftësinë e sistemit gjyjqësor dhe të policisë për të hetuar në mënyrë të pavarur, mbështet KE.

Qeveria turke i ka justifikuar këto goditje që i kanë ardhur nga hetimi i gjerë për korrupsion, si një instrumentalizim nga ana e opozitës dhe të interesave të huaja. Na ndiqni dhe në Facebook dhe Twitter

HermesNews - ©2014

Dërgo me email | Stampo artikullin