07/01/2014 20:00:50

Akuza për shpërdorim detyre për punonjësit e zyrës së pasurive

Ish drejtori dhe vartësit e tij akuzohen për shkelje në rregjistrin e pasurive

KORÇE - Kontrolli i Lartë i Shtetit (KLSH) ka paditur 7 nëpunës të Zyrës Vendore për Regjistrimin e Pasurive të Paluajtshme në Korçë nën akuzën për "shpërdorim detyre". Sipas komunikatës për shtyp, bëhet fjalë për ish drejtorin dhe gjashtë nënpunës të zyrës vendore për Regjistrimin e Pasurive të Paluajtshme në Korçë. Sipas KLSH-së, 7 të paditurit kanë kryer shkelje në regjistrimin e pasurive të paluajtshme. Nga kontrollet e kryera janë konstatuar 11 raste abuzimi. Një nga keto raste është shënuar në fshatin turistik të Voskopojës, ku personat e mësipërm sipas KLSH-së kanë dhënë kundër ligjit 1960 metra katror truall në favor të disa subjekteve. Na ndiqni dhe në Facebook dhe Twitter

HermesNews - ©2014

Dërgo me email | Stampo artikullin