07/01/2014 18:47:37

Mungesa e sinjaleve, burim aksidentesh

Shifrat: 200 aksidente gjatë 2013-tës, 30 viktima dhe 140 të plagosur në rajonin e Elbasanit

ELBASAN - Gjendja e rrugëve dhe mungesa e sinjalistikës solli rritjen e aksidenteve gjatë vitit 2013-të. Lajmi vjen nga shefi i policisë rrugore në Elbasan Luan Shehaj. Në vitin 2013, në 200 aksidentet e regjistruara në rajon, humbën jetën 30 persona dhe u dëmtuan rëndë 32 të tjerë, ndërsa mbetën të lënduar 140. Gjatë vitit 2013, numri i aksidenteve rrugore ishte më i lartë se ai i vitit paraardhës, konfirmojnë blutë. Çfarë po bën policia për uljen e numrit të aksidenteve ? "Masat që ka ndërmarrë së fundmi për uljen e numrit të aksidenteve, është sensibilizimi i drejtuesve të mjeteve që të respektojnë legjislacionin rrugor", tha Shehaj. Na ndiqni dhe në Facebook dhe Twitter

HermesNews - ©2014

Dërgo me email | Stampo artikullin