07/01/2014 14:32:14

Nuk ka prova të mjaftueshme për Topin: burg për Xega-n

Skandali i zhdukjes së pikturave të Vangjush Mio-s. Gjykata jep vendimin

KORÇË - Drejtori i galerisë së arteve "Guri Madhi" në Korçë, Sotiraq Xega, u dënua sot me 18 muaj burg pas skandalit të pikturave. Xega akuzohet si përgjegjës i zhdukjes së pikturave, pjesa më e madhe e të cilave mbajnë si autor Vangjush Mion. Ai akuzohet për shpërdorim detyre.

Ngjarja u bë publike në muajin Gusht 2012, ku u konstatua zhdukja e 61 pikturave nga Galeria e Arteve, nga këto 33 ishin të piktorit Vangjush Mio.

Për zhdukjen e pikturave akuzohej ish drejtori i galerisë, Vladimir Topi dhe piktori Sotiraq Xega, për të cilët gjykata vendosi lënien në "Arrest shtëpie" të Drejtorit të qëndrës kulturore "Vangjush Mio", Vladimir Topi dhe ish përgjegjësit të Galerisë së Arteve, Sotiraq Xega, për akuzën "Shpërdorim detyre".

Vladimir Topi, bëri përgjegjës për humbjen Xega-n, i cili kishte gati një vit që kishte dalë në pension. Pas disa muajsh hetime Policia dhe prokuroria ngritën akuzën e shpërdorimit të detyrës jo vetëm për Xegën, por edhe për ish drejtorin Topi.

Pas ndarjes së gjykimit, ish drejtori Topi mori pafajësinë në shkallën e parë, ndërkohë që prokuroria e ka apeluar çështjen. Prokuroria pati kërkuar “Arrest me burg” për Topin si dhe “Arrest shtëpie” për Xegën, por togat e zeza e hodhën poshtë kërkesën e organit hetimor për Vladimir Topin, duke argumentuar se nuk ka prova të mjaftueshme. Na ndiqni dhe në Facebook dhe Twitter

HermesNews - ©2014

Dërgo me email | Stampo artikullin