07/01/2014 11:44:16

Vrau për një kontratë. Zbulohet autori i vrasjes tek Uji i Ftohtë

Kreshnik Nazëraj është personi i shpallur në kërkim nga policia si i dyshuari kryesor për vrasjen e Myrdar Binjakut

VLORE - Policia bëri publik emrin e autorit të ngjarjes së djeshme tek Uji i Ftohtë në Vlorë. I dyshuar i vrasjes është i riu Kreshnik Nazëraj, i cili është shpallur në kërkim nga policia.Postblloqe janë ngritur në të gjithë qytetin.

Policia ka siguruar të dhëna mjaft të vlefshme që mund të çojnë në kapjen e shpejtë të të kërkuarit, ndërkohë që janë shoqëruar në komisariat disa persona që mund të kenë dijeni rreth ngjarjes, ndër ta dhe Reshat Muskaj.

Shkak për atë që ndodhi, ka qenë një konflikt civil mes autorit dhe viktimës, për një kontratë të prishur.

Protagonistët e ngjarjes ndodheshin në mjedist e lokalit të hotel restorant Delfini, përgjatë aksit rrugor Skelë-Uji i Ftohtë, ku nisi debati që u shndërrua në konflikt.

Kreshnik Nazëraj, qëlloi me një armë automatike ndaj viktimës Myrdar Binjaku, duke i shkaktuar plagë të rënda që çuan në vdekjen e tij.
Në ngjarje humbi jetën Myrdar Binjaku, 30 vjeç dhe u plagosën të afërmit e tij, Kledian Binjaku dhe Reshat Muskaj. Na ndiqni dhe në Facebook dhe Twitter

HermesNews - ©2014

Dërgo me email | Stampo artikullin