04/01/2014 20:14:10

Sa persona lanë nënshtetësinë gjatë 2013-tës?

Gjatë vitit që kaluam kanë lënë shtetësinë shqiptare të paktën 279 persona, ndërsa kjo shtetësi iu është dhënë 247 të tjerëve

TIRANË - Gjatë vitit 2013, me dekret të posaçëm të Presidentit të Republikës, kanë lënë shtetësinë shqiptare të paktën 279 persona, ndërsa kjo shtetësi iu është dhënë 247 të tjerëve.

Sipas nenit 92 të Kushtetutës, lënia ose dhënia e shtetësisë shqiptare është kompetencë e Presidentit të Republikës. Përgatitja e dokumentacionit që kërkohet për lejimin e lënies së shtetësisë shqiptare rregullohet me ligjin “Për shtetësinë shqiptare”, të miratuar në vitin 1998 dhe të ndryshuar një vit më vonë.

Ligji përcakton Ministrinë e Brendshme, si institucionin që pranon dokumentacionin e aplikantëve, i cili brenda 6 muajve i paraqet në formë propozimi Presidentit të Republikës. Ky i fundit për një afat tremujor shqyrton aplikimet dhe nxjerr dekretet përkatëse.

HermesNews - ©2014

Dërgo me email | Stampo artikullin