04/01/2014 15:20:58

Kate Middleton kalon Vitin e Ri me motrën

Sipas disa burimeve, Kate Middleton ka zgjedhur ta kalojë natën e ndërrimit të viteve në mënyrë jo formale në shtëpinë e disa miqve së bashku me të motrën

LONDER - Sipas disa burimeve, Kate Middleton ka zgjedhur ta kalojë natën e ndërrimit të viteve në mënyrë jo formale në shtëpinë e disa miqve së bashku me të motrën.

Ajo u fotografua nga paparacët së bashku me motrën Pippa para shtëpisë së një miku të përbashkët në Bucklebury dhe sipas dëshmive të të pranishmeve dukesha dukej e lumtur dhe rrezatuese.

Kate, mesa duket, nuk harron të jetë edhe një vajzë normale dhe e qeshur përtej formalitetit mbretëror. Nga ana tjetër, ishte e qetë, e relaksuar dhe vetvetja larg nga kamerat që kapin çdo detaj në sjelljet e princeshës.

Edhe pse lindi princin e vogël George në korrik, Kate është më në formë se kurrë me linja perfekte.

Ndoshta është pikerisht fakti që ajo është kaq energjike, e qeshur dhe plot jetë që ka bërë të “dashurohen” pas saj një pjesë e mirë e anglezëve dhe më tej.

Daniela Vathi

Dërgo me email | Stampo artikullin