04/01/2014 09:54:35

Sa luhaten çmimet e naftës ?

Pika të ndryshme karburanti, shesin me çmime të ndryshme

TIRANE - Sipas vëzhgimit, nga Korça deri në afërsi të Tiranës në dhjetëra pikat e tregtimit me pakicë të karburanteve ndryshimet e cmimeve luhaten me 2-6 lekë/litër, edhe pse mbajnë të njëjtat sigla të kompanive grosiste si “Kastrati”, “Bov Oil”, “Eida”, etj. Të vetmin përjashtim bëjnë pikat e tregtimit me pakicë nën siglën e kompanisë “Alpet”, ku përgjatë gjithë aksit juglindor benzina dhe nafta shiten me 182 lek/litri.

Ndërsa në Korcë benzina tregtohet me 170-173 lekë/litër, nafta me 163-175 lekë/litër, cmimet nisin të rriten sa më shumë që rruga i afrohet Tiranës.

Kështu në rrugën Korcë-Pogradec në pikat e shitjes me pakicë të karburanteve nën emrin “Kastrati” tregtohen me 174 lekë/litri benzina dhe 174 lek/litër nafta, cmimi nis e rritet në aksin rrugor Pogradec-Elbasan: për benzinën 177 lek/litër dhe naftën diezel 175 lekë/litër, ndërsa në Elbasan me 182 lek/litër për benzinën dhe 178 lek/litër për naftën.

Nën siglën e kompanisë “Eida” përgjatë rrugës Korcë-Pogradec benzina shitet me 177 lek/litër, nafta diezel 175 lek/litër , ndërsa cmimi nis e rritet në aksin Pogradec-Elbasan, ku benzina shitet 180 lek/litër, 174 lek/litër për naftën, ndërsa në Elbasan me 179 lek/litër për benzinën dhe 175 lek/litër për naftën diezel.

Kompania “IT Oil” ruan të njëjtin cmim: 178 lek/litër për benzinën dhe 174 lek/litër për naftën në rrugën deri në Elbasan, pasi këtu cmimi ndryshon: 179 lek/litër për benzinën dhe 177 lek/litër për naftën diezel.

Cmimi më i shtrenjtë i karburanteve u vu re në Elbasan në pikat e shitjes me pakicë nën siglën “Bov Oil”: 190 lekë/litër për benzinën dhe 175 lek/litër për naftën.

Në pika të ndryshme të shitjes me pakicë në Tiranë rritja e cmimit me 5 lekë/litër për karburant nisi në fund të muajit dhjetor, pasi grosistët, duke shkelur ligjin e buxhetit, u orientuan dhe nisën t’a ndajnë në dy pjesë futjen e taksës së re të qarkullimit që rritet me 10 lekë më shumë për litër në Janar. Këto ditë ndërkaq, pritet që Autoriteti i Konkurencës të nxjerrë konkluzionet pas hetimit për periudhën janar 2010-gusht 2013 mbi dyshimin e pranisë së kartelit në tregtimin e karburanteve.

Vjet, në Qershor, sipas vëzhgimit të ATSH, u vu re rënie me 6 lekë/litër, krahasuar me fillimvitin, ku një litër naftë tregtohej 179-194 lek/litër, ose 6 lekë më pak krahasuar me javët e para të Janarit 2013 dhe benzina me 180-194 lek/litër, ose 8 lek/litër më pak nga janari, kur u shit 188-198 lek/litër.

Karburantet kapën cmimin e shtrenjtë, 204 lek/litër në fundvitin 2012, sepse grosistët në shtator 2011 rritën ndjshëm cmimet nën justifikimin e vendosjes së taksës mbi karburantet. Mbi 450 mijë mjete të transportit rrugor furnizohen në pikat e tregtimit me pakicë të karburanteve dhe si sektor, kryesojnë në të ardhurat në financat publike dhe familjare, me një xhiro vjetore rreth 1 miliardë usd. Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin