04/01/2014 09:28:37

Ngrihet pjesa më e madhe e SHBAsë

2 200 fluturime të brendshme ose ndërkombëtare janë anuluar

NEW YORK - Të paktën 13 persona kanë humbur jetën nga stuhitë që kanë përfshirë verilindjen e SHBA-së, stuhi që kanë sjellë me vete reshje të dendura dëbore dhe temperatura polare në të paktën 22 shtete.

"Rreziku kryesor gjatë këtyre orëve mbetet akulli, që shkakton rrëshkitje të shumta në rrugë të makinave. Në disa zona temperaturat janë rreth minus 30 gradë Celsius", njoftuan autoritetet përgjegjëse amerikane. Në New York, ku gjendja e jashtëzakonshme për shkak të dëborës pothuajse ka kaluar, temperaturat janë rreth minus 10 gradë Celsius.

Alarmi për stuhi dimërore u dha në të gjithë vendin, që nga Chicago, New York, Pensilvani dhe në një pjesë të New England, deri në kryeqytetin amerikan, Washington.

Sipas faqes së specializuar të internetit FlightAware, rreth 2 200 fluturime të brendshme ose ndërkombëtare janë anuluar.

Në New York, temperaturat pritet të zbresin sot në mbrëmje në -13°Celcius dhe parashikimet shkojnë deri në -23°Celcius për shkak të erës, bëri të ditur shërbimi kombëtar meteorologjik.

Dëbora, që filloi të bjerë që dje në mbrëmje, e shoqëruar me erëra që pritet të arrijnë shpejtësinë 56 kilometra në orë, duke përhapur dëborën dhe zvogëluar tepër shikueshmërinë, pritet të arrijë në rreth 20 centimetra.

Ulja e temperaturave ka përfshirë edhe qendrën e vendit, ku dëbora shkaktoi bllokim të trafikut në aeroportin ndërkombëtar O’Hare të Chicagos.
Jugu i vendit nuk do të kursehet nga moti i keq, pasi shërbimi meteorologjik njoftoi temperatura tepër të ulëta në veri të Floridës. Na ndiqni dhe në Facebook dhe Twitter

HermesNews - ©2014

Dërgo me email | Stampo artikullin