03/01/2014 21:45:05

Plumba mbi gratë dhe fëmijët gjatë luftës kundër Al-Kaedes

Luftëtarët e Al-Kaidës kanë marrë në kontroll, që nga e enjtja e kaluar, disa sektore të Ramadit

RAMADI - Arrin në mbi 100 persona bilanci i viktimave sot, në Irak, ku të paktën 32 civilë dhe 71 militantë të Al-Kaidës kanë mbetur të vdekur nga luftimet mes tyre dhe forcave fisnore të sigurisë në provincën Al-Anbar, bastion sunit kundërshtar i kryeministrit shiit, Nouri al-Maliki.

Luftëtarët e Al-Kaidës kanë marrë në kontroll, që nga e enjtja e kaluar, disa sektore të Ramadit, qytet 100 kilometra në perëndim të Bagdadit në dhe Falluxha, qytet 60 kilometra në perëndim të Bagdadit, ku militantët ekstremistë kanë vetëshpallur “shtetin islamik”.

Të paktën tridhjetë e dy civilë kanë humbur jetën në qytetet irakiane të Ramadit dhe Falluxhas, në perëndim të vendit, si pasojë e luftimeve e milicive lokale të mbështetura nga forcat policore kombëtare dhe militantëve të Al-Kaidës, sipas burimeve vendase të sigurisë.

”Një numër i konisderueshëm grash dhe fëmijësh përbëjnë pjesën më të madhe të viktimave”, deklaroi një burim nga Ministria e Brendshme irakiane, informacion që u konfirmua më pas edhe nga një zyrtar i lartë i Policisë. Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin