03/01/2014 14:44:29

Fishekzjarret e Diellit për Vit të Ri

Studiuesit parashikojnë stuhi diellore në ditët në vijim

HermesNews - Pas ndriçimit të parë më 31 dhjetor, një tjetër shpërthim i madh materialesh u regjistrua më një janar nga teleskopi hapësinor Solar Dynamics Observatory (Sdo) i Nasas.

Në pritje për të kuptuar nëse fenomenet e reja të regjistruara në fillim të vitit të ri mund të shkaktojnë probleme tek komunikimet elektromagnetike në Tokë, hulumtuesit e Agjensisë amerikane në mbrojtje të atmosferës dhe oqeaneve (Noaa) parashikojnë ndriçime të forta në ditët në vijim.

Ndriçimi i parë i vitit ndodhi si pasojë e shpërthimit të një njolle diellore e quajtur Ar1936. Shpërthimi i fuqishëm ndriçues u zbulua nga teleskopi Sdo dhe u klasifikua në klasën M9, e dyta në shkallën e fuqisë shpërthyese.

Pamjet e marra nga teleskopi hapësinor paraqesin shpërthimin e një flluske prej plazme dhe rënien e një pjese të mirë të materialeve mbi sipërfaqen e yllit.

Sipas hulumtuesve një pjesë e materialeve të përhapura në hapësirë pas shpërthimit mund të prekin kampin magnetik tokësor brenda javës. Vëmendja e shkencëtarëve është prqendruar tashmë tek një tjetër njollë diellore, e quajtur Ar 1944 e cila sapo ka dalë në horizont: duket tepër e fuqishme por informacionet janë ende të pamjaftueshme për çdo parashikim.

Për momentin, përmasat bëjnë të hipotizohen shpërthime të reja të fuqishme saqë Noaa parashikon në ditët e ardhshme 70 % mundësi për ndriçime të kategorisë M dhe 30% të tipit X, më i fuqishmi. Na ndiqni dhe në Facebook dhe Twitter

Daniela Vathi

Dërgo me email | Stampo artikullin