03/01/2014 13:36:55

Kryeministri i Indisë lë postin pas zgjedhjeve legjislative

Singh do si pasardhës të tij Rahul Gandhin

NEW DELHI - Kryeministri indian, Manmohan Singh, deklaroi sot qe do të tërhiqej pas zgjedhjeve të parashikuara këtë vit dhe i bëri thirrje trashëgimtarit të dinastisë Gandhi, Rahulit, që të marrë postin në rast fitoreje. "Brenda disa muajsh, pas zgjedhjeve legjislative, do t’i lë postin një kryeministri tjetër, cilido qoftë rezultati", deklaroi ai gjatë konferencës së tij të parë për shtyp pas tre vitesh. Singh, 81 vjeç, kishte lënë të kuptohej në të kaluarën se dëshironte t’i linte vendin e vet Rahul Gandhit, trashëgimtar i dinastisë që ka dominuar jetën politike indiane që prej pavarësisë. "Rahul Gandhi do të ishte kandidati ideal, shpresojë se partia do ta zgjedhë në kohën e duhur", tha kryeministri indian. Kongresi i drejtuar nga nëna e Rahulit, Sonia Gandhi, mund të paraqesë zyrtarisht kandidatin e vet për postin e shefit të qeverisë që në mbledhjen e ardhshme të komitetit drejtues, më 17 janar. Na ndiqni dhe në Facebook dhe Twitter

HermesNews - ©2014

Dërgo me email | Stampo artikullin