31/12/2013 11:59:09

NASA: rekord botëror i të dhënave të dërguara nga Hëna me lazer

Një sistem i ri në komunikimin me shpejtësi të lartë i testuar me sukses nga NASA me anë të dërgimit të mesazheve që përmbajnë të dhëna nga Hëna në Tokë duke përdorur lazer

NASA - Një sistem i ri në komunikimin me shpejtësi të lartë i testuar me sukses nga NASA me anë të dërgimit të mesazheve që përmbajnë të dhëna nga Hëna në Tokë duke përdorur lazer.

LLCD është teknika më e fundit që me anë të lazerit arrin të trasmetojë mesazhe në një distancë pothuajse një çerek milion kilometra nga Hëna në planetin tonë dhe anasjelltas.

Komunikimi me anë të lazerit ka një shpejtësi më të madhe sesa sistemet tradicionale me radio. Sonda Netflix arriti të dërgojë një gigabyte informacion nga Toka në më pak se pesë minuta.

Nasa u habit gjatë provave me shpejtësinë dhe saktësinë e sistemit të ri bazuar në lazer, i cili arriti të mbante një lidhje efikase në mes të ditës dhe madje kur Hëna kishte vetëm katër gradë ndarje nga Dielli. Falë sistemit të ri retë nuk përbëjnë më një problem në trasmetimin e informacioneve në hapësirë.
Sistemi në fjalë është shumë i ngjashëm me atë të një telefoni celular i lidhur me rrjetin përkatës.

E gjithë kjo tregon se kjo teknologji e re e sapo miratuar nga NASA mund të shërbejë si sistem komunikimi parësor në misionet e ardhshme të Nasas.
Hapi i ardhshëm është që të përdoret teknologjia në fjalë Laser Communications Relay që do të lançohet në hapësirë në 2017-ën. Ky i fundit është në gjendje të menaxhojë 2.880 Gbps nga orbita gjeostacionare.

Daniela Vathi

Dërgo me email | Stampo artikullin