31/12/2013 11:24:41

Naomi Campbell pushime në Kenya me ish të dashurin Briatore

Naomi Campbell ka kaluar pushimet e Krishtlindjes në Kenya së bashku me ish i dashuri i saj Favio Briatore dhe bashkëshorten e tij aktuale Elisabetta Gregoracci

HermesNews - Naomi Campbell ka kaluar pushimet e Krishtlindjes në Kenya, në plazhet e mrekullueshëm të Malindit, ku ishin të pranishëm edhe ish i dashuri i saj italian Flavio Briatore së bashku me bashkëshorten e tij aktuale Elisabetta Gregoracci.

Që Briatore dhe Naomi kishin ruajtur një marrëdhënie të mirë miqësie pas lidhjes së tyre në vitet ’90, kjo nuk është mister tashmë, por kush do të mendonte se do mund t’i shihnim duke kaluar pushimet së bashku me gruan aktuale të Flavio Briatores. Mesa duket jo të gjithë e kanë problem të shkuarën e të dashurve të tyre.

Përsa i përket Naomit,ajo jep shenja të qarta se po ndryshon duke nisur nga sjelljet e saj problematike të mëparshme. Janë të njohur për publikun rastet ku Naomi ka nxjerrë në pah një karakter të papërmbajtshëm duke krijuar skandale të shumta , në veçanti me fotografët ndaj të cilëve ka mbajtur reagime të ashpra.

Megjithatë Naomi arriti të tërhiqte vëmendjen në veçanti gjatë funeralit të Nelson Mandelës, ku mbajti një fjalim prekës dhe tejet emocionues.
Ja disa nga fjalët e saj që përlotën të pranishmit:

“Nelson Mandela ka rezistuar si një figurë që ngjall forcë, shpresë, liri, altruizëm dhe dashuri, ndaj unë iu bashkohem të gjithë atyre nëpër botë që mbajnë zi për zhdukjen e tij nga jeta. Për mua ka qenë shumë më tepër se një guru i thjeshtë: ka qenë mbeshtetësi im, udhërrëfyesi im, pothuajse gjyshi im .
Pas takimit të parë në 1993-shin më ka drejtuar dhe më ka dhënë një arsye për të vazhduar në momentet më të vështira të jetës. Ka arritur të ndryshojë pikëpamjen time ndaj botës. Do të duhet kohë për të pranuar mungesën e tij, por di tashmë se energjia e tij dhe forca e tij shpirtërore do të jenë gjithmonë të rrënjëzuara në shpirtin tim.”

Daniela Vathi

Dërgo me email | Stampo artikullin