28/12/2013 18:49:23

Kukës, ndryshon masa e sigurisë për doganierët

Punonjësit e doganës së Morinit, shtetasit Mal Shahu, Xhavit Veseli, Izmir Cengu, transportuesi i mallit Nadir Shahu dhe dy punonjësit e policisë, Nuri Matmuja dhe Fitim Korbi, të akuzuar për kontrabandë dhe shpërdorim detyre dolën sot nga burgu

KUKËS - Gjashtë të ndaluarit, prej të cilëve 3 punonjës të doganës së Morinit, shtetasit Mal Shahu, Xhavit Veseli, Izmir Cengu, transportuesi i mallit Nadir Shahu dhe dy punonjësit e policisë, Nuri Matmuja dhe Fitim Korbi, të akuzuar për kontrabandë dhe shpërdorim detyre, i kanë dhënë fund qëndrimit në dhomat e paraburgimit të policisë së Kukësit. Ka qenë vendimi i gjykatës së faktit të rrethit të Kukësit që ka dhënë masën Detyrim paraqitje sot pasdite për të 6 personat e ndaluar. Shtetasit Izmir Cengu, 41 vjec, Xhevit Veseli, 46 vjec dhe Mal Shahu, 45 vjec, të tre doganierë në doganën e Morinit të rrethit të Kukësit, u ndaluan mbrëmjen e 26 dhjetorit me akuzën e lejimit të kalimit të një sasi malli kontrabandë nga Kosova. Ndërsa shtetasi Nadir Shahu, 36 vjec, u ndalua për transport të mallrave kontrabandë në të dy anët e kufirit. Në orët e paradites së djeshme u ndaluan edhe dy punonjës të policisë, Eduart Matmuja dhe Fitim Korbi me akuzën që në bashkëpunim me njëri tjetrin kanë shpërdoruar detyrën duke lënë të kalonin mallra kontrabandë në doganën kryesore në kufirin Shqipëri – Kosovë, atë të Morinit.

HermesNews - ©2013

Dërgo me email | Stampo artikullin