28/12/2013 18:25:02

Financimet e humbura nga mosmiratimi i buxhetit dëmton qytetarët

Në buxhetin e Bashkisë së Tiranës parashikohej të financoheshin qendrat sociale, ku marrin mbështetje më shumë se 2300 qytetarë në nevojë dhe të financoheshin projektet kulturore të Tiranës, mbështetja për artistët e rinj, për piktorët, fotografët, muzikantët etj

TIRANË - Nënkryetari i Bashkisë së Tiranës, Eno Bozdo deklaroi sot se mosvotimi i buxhetit një ditë më parë në mbledhjen e Këshillit Bashkiak, dhe shtyrja e tij është shërbimi më i keq që iu bëhet interesave të qytetarëve të Tiranës. Në një deklaratë për mediat, Bozdo tha se me këtë buxhet parashikohej të financohej ndërtimi i 82 km rruge të reja dhe 128 mijë m2 sipërfaqe e gjelbër. "Me këtë buxhet parashikohej të financohej ndërtimi dhe rikonstruksioni i 69 shkollave të mesme, cerdheve dhe kopshteve për vogëlushët e Tiranës, i laboratorëve të rinj dhe palestave të reja, i instalimit të ngrohjes në 100% të çerdheve dhe kopshteve dhe 90% të shkollave të mesme, deri në fund të vitit 2014", sqaroi ai. Na ndiqni dhe në Facebook dhe Twitter

.

HermesNews - ©2013

Dërgo me email | Stampo artikullin