28/12/2013 10:18:59

Sa punonjës paguajnë qytetarët ?

Numri i Buxhetorëve është shkurtuar në mënyrë graduale në katër vitet e fundit

TIRANE - Në vitin 201-të Administrata buxhetore do të ketë 1210 punonjës më pak kundrejt vitit pararendës. Në krahasim nga 2013-ta dhe 2014-ta, do të shohim se ka tkurrje të punonjësve te Ministria e Mbrojtjes, Ministria e Drejtësisë, Ministria e Mjedisit, Pyjeve dhe Administrimit të Ujërave, Shërbimi Informativ Shtetëror, Ministria e Brendshme, Ministria Financave dhe Avokati i Prokurimeve.

Sipas Open Data Albania dy ministri ajo e energjetikës, industrisë dhe Ministria e zhvillimit urban dhe turizmit kanë 533 dhe 617 punonjës.

Shtesë të stafit ka tek Ministria e Arsimit dhe Sporteve; Ministria e Integrimit, Ministria e Bujqësisë, Ushqimit dhe Mbrojtjes së Konsumatorit; Këshilli Ministrave, Kuvendi.

Ministria e Mbrojtjes dhe Ministria e Drejtësisë do të jenë dy ministritë me shkurtime më të mëdha të stafeve nën vartësi.

Hulumtimi ka zbardhur edhe tkurrjen e të punësuarve në sektorin buxhetor që është parashikuar për vitin 2014 kundrejt 2013-s. Gjithashtu janë evidentuar edhe institucionet ku do të ketë më pak të punësuar.

SHISH “maskon” kërkesën për 53 milionë lekë shtesë.

Pasi siguroi një rritje të financave, SHISH- i kërkoi sërish dje një rritje prej 53 milionë lekësh për të mbuluar aktivitetin tyre. Sipas propozimit të bërë dhe nga Komisioni i Sigurisë, u kërkua që “të rivlerësohet një rritje në total prej 53 milionë lekë për SHISH-in , në zërin e pagave pasi gjykon se projektbuxheti i vitit 2014 nuk e mbulon të gjithë veprimtarinë e punës së këtij shërbimi sipas organikës përkatëse.

Komisioni i Sigurisë Kombëtare, në funksion të rritjes së angazhimeve në plotësimin me sukses të objektivave të këtij institucioni, kërkon mbështetje financiare për shtesë në limitin e parashikuar në këtë projektbuxhet për këtë shërbim”. Por nga diskutimet në Komisionin e Ekonomisë, doli qartë se shtesa e kërkuar për paga, ishte vetëm një “maskim”, pasi në realitet ata e kërkonin për blerje të pajisjeve dhe ristrukturim të teknologjisë. Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin