27/12/2013 17:03:36

800 kallzime për abuzime me ndihmat sociale

Veliaj, do të marrin fund anomalitë me fondet

SHKODER - Ministri i Mirëqënies Sociale dhe Rinise, Erion Veliaj, i gjendur sot në qytetin e Shkodrës i pyetur nga gazetarët në lidhje me abuzimet me ndihmat ekonomike, tha se deri më sot nga ana e tyre si ministri kanë dërguar 800 kallëzime në Prokurori për abuzimet, ndërsa do të vazhdojnë këtë linjë dhe këtë javë të fundit të vitit. "Unë besoj se për dikë që ka futur dorën në xhepin e njerëzve nevojtare nuk ka vit të ri. Kjo do të thotë që edhe këtë javë ne do të kemi denoncime të tjera, por edhe javen e parë të vitit të ri, kështu që deri në fund të vitit tjetër, neve do të kemi kaluar në sitë të gjitha njësitë vendore dhe kush ka futur dorën te parate e aftësisë së kufizuar, të ndihmës ekonomike apo tek institucionet të kujdesit shtetëror, do të shkojë para drejtësisë. Kështu që tolerance është zero”, theksoi Veliaj. Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin